Omnium Cultural - Llengua Cultura País

Òmnium Cultural és una entitat amb més de 50 anys d'història al servei de la llengua, la cultura i el país.

64.074socis a tot el món

Saber-ne més

Òmnium Cultural és una entitat amb més de 50 anys d'història al servei de la llengua, la cultura i el país.

64.074socis a tot el món

Saber-ne més

Informació Òmnium Cultural

Òmnium Cultural trabalha dempuèi mai de 50 ans coma organisme de la societat civila per promòure la lenga e la cultura catalanas e tanben per far difusion de la volontat de libertat de Catalonha. Dins las darrièras annadas, Òmnium a apondut dins sas tòcas, la d’èsser un actor en favor de l’Estat pròpri. Per aténher aquela tòca de país, Òmnium, que compta amb 54.000 sòcis e 31 sedenças territorialas, desvolòpa de campanhas, d’accions e tanben de grands eveniments revendicatius. Per exemple, Òmnium organizèt la manifestacion d’1 milion de personas del 10 de julhet de 2010 per protestar contra la senténcia del Tribunal Constitucional espanhòl contra l’Estatut de Catalonha o lo Concèrt per la Libertat del 29 de junh de 2013 qu’amassèt 90.000 personas dins lo Camp Nòu.

Òmnium a impulsat tanben la campanha “Un país normal” per reforçar lo drech a l’autodeterminacion de Catalonha e l’accion d’internacionalizacion “Catalans wants to vote - Human towers for democracy” dins 8 capitalas europèas. Puèi, amassa amb l’Assemblada Nacionala Catalana (ANC), Òmnium organiza la campanha conjoncha de la societat civila “Ara és l’hora” (Ara es l’ora), tanben en favor del drech de decidir dels catalans e de l’òc per l’independéncia. Dins aquel encastre s’organizan la Via Catalana 2014 e la Via Catalana 2015, qu’amassan de milions de personas a Barcelona, disparièras accions per garentir la consulta ciutadana sus l’independéncia del 9 de novembre de 2014 e una campanha intensiva tocant las eleccions plebiscitàrias del 27 de setembre de 2015.

En mai d’aquò, Òmnium sosten de programas en favor de la lenga e de la cultura catalanas coma son lo Prèmi d’Onor de las Letras Catalanas, la Nuèch de Santa Lúcia, Sant Jòrdi, la Flama del Canigó e l’11 de Setembre, la Diada Nacionala de Catalonha. L’organisme es atanben un dels promotors de la plataforma Somescola.cat que defend lo modèl escolar catalan e l’immersion lingüistica, reconeguda pel Parlament Europèu.

What's going on in Catalonia?

Se coneisses la cultura catalana?

Per quin dobte que siá podètz contactar amb nosautres.